ઇવીએમ મશીનથી પણ મતદાનમાં પક્ષપાત થઇ શકે - પ્રત્યેક પાંચમો મત કોઇ પક્ષે નાખી શકાય

ઇવીએમ મશીનથી પણ મતદાનમાં પક્ષપાત થઇ શકે
Hemant Atri, New Delhi
Monday, July 06, 2009 00:33 [IST]

પ્રત્યેક પાંચમો મત કોઇ પક્ષે નાખી શકાય : દિલ્હીના માજી મુખ્ય સચિવનો દાવો
દિલ્હીના ભૂતપૂર્વ મુખ્યસચિવ અને આઇટી સ્નાતક ઓમેશ સહગલે ભારતયી ચૂંટણીઓમાં વપરાઇ રહેલાં ઇલેકટ્રોનિક વોટિંગ મશીન( ઇવીએમ)ના પ્રોગ્રામિંગ સામે આંગળી ચીંધતાં સમસ્ત ચૂંટણી પ્રક્રિયાની નિષ્પક્ષતા સામે સવાલ સર્જી દીધો છે.

સહગલે દાવાપૂર્વક જણાવ્યું છે ઇવીએમ મશીનની રચના એવી છે કે એક ગુપ્ત કોડભર્યા બાદ તેમાં નખાનારો પ્રત્યેક પાંચમો મત એક ખાસ ઉમેદવારના પક્ષે જતો કરી શકાય. મુખ્ય ચૂંટણી કમિશનરે સહગલની ફરિયાદ સંદર્ભમાં અભ્યાસ કરવાની જવાબદારી નાયબ ચૂંટણી કમિશનર આર. બાલકષ્ણને સોંપી છે.

ભાસ્કર સાથેની વાતચીતમાં સહગલે જણાવ્યું હતું કે તેમણે પોતાની ફરિયાદની નકલ બાલાકષ્ણનને મોકલી આપી છે અને તેઓ પંચ અને આઇટી નિષ્ણાતો સમક્ષ પોતે કરેલી રજૂઆતને સાબિત કરી શકે તેમ છે. પંચે વર્તમાનમાં તો પોતાના એક અધિકારીને પ્રશ્નના અભ્યસની જવાબદારી જ સોંપી છે.

નાયબ ચૂંટણી કમિશનર એસ. વાય. કુરેશીએ જણાવ્યું હતું કે ઇવીએમ મશીનનું સોફટવેર આઇઆઇટી ચેન્નાઇના ભૂતપૂર્વ પ્રોફેસર ડો. ઇન્દ્રેસનના નેતૃત્વ હેઠળની સમિતિ દ્વારા અનુમોદિત છે અને સહગલ પોતાની વાત સાબિત કરવામાં સફળ રહે છે તો પંચ આ સંદર્ભમાં તપાસની જવાબદારી પણ ડો. ઇન્દ્રેસનના નેતૃત્વ હેઠળની સમિતિને જ સોંપશે.